Nýggj føroysk leikskipan ímóti Kosovo

Í samband við tíðindafundin hjá Føroyum í gjár gjørdist greitt, at tað var góður møguleiki fyri, at Føroyar fóru at spæla við trimum í miðverjuni í dag.

Uppá spurningin frá Portalinum um møguligar broytingar í manning og í leikskipan, segði Lars Olsen, at hann og Jóannes Jakobsen umhugsaðu 1-2 broytingar, og at fara yvir at spæla við trimum í miðverjuni.

Les eisini: Lars Olsen: Umhugsa at broyta leikskipan

Í samrøðunum eftir venjing vóru Atli Gregersen og Odmar Færø jaligir umkring hesa møguligu broyting.

Sí eisini:
Video: Vildi býtt heiðurin um við trý stig
Video: - Eg hopi bara eg sleppi uppí

Nú er liðið avdúkað, og tveir nýggir leikarar koma inn. Rógvi Baldvinsson kemur inn á miðvøllin, og Sonni Ragnar Nattetad, ið er tøkur aftur eftir leikbann, kemur inn í miðverjuna. Og tað verða tríggir leikarar í miðverjuni; eitt slag av 5-4-1 leikskipan. 

Jóan Símun Edmundsson verður aftur áleypari, og tað hevur við sær at Finnur Justinussen hesaferð byrjar á bonkinum. Kaj Leo í Bartalsstovu er eisini uttanfyri frá byrjan hesuferð.

Føroyar (5-4-1):
Gunnar Nielsen – Gilli Rólantsson Sørensen, Odmar Færø, Atli Gregersen, Sonni Ragnar Nattestad, Viljormur Davidsen – René Shaki Joensen, Rógvi Baldvinsson, Hallur Hansson, Brandur Hendriksson Olsen – Jóan Símun Edmundsson.

Fyrsta bríksl ímillum Føroyar og Kosovo er klokkan 17.00