Hondbóltur

H71 vann málríkan oddadyst

H71 basti VÍF annan sunnudagin á rað. Neistin styrkti um sína støðu í oddinum.

2018-12-02 18:05 Author image
Agnar Prestá
placeholder

Fult umfar var í Okkara-deildini seinnapartin.

VÍF var á vitjan í Hoyvík, og har megnaði H71 aftur at koppa vestmenningum, ið annars hava verið oddalið størsta partin av árinum. Tað komu nógv mál í dystinum. Hoyvíkingar vóru frammanfyri allan vegin, og tað tættasta VÍF kom uppá at ordliga gera tað spennandi, var tá útiliðið minkaði niður í tvey mál, tá seks minuttir vóru eftir. H71 koyrdi tó sigurin heim og kemur undir liðuna á vestmenningum. 

Myndir: H71-VÍF

Oddaliðið Neistin heldur fram og vann aftur á StÍF í dag. Gestirnir vóru væl við, til fimm minuttir vóru eftir. Neistin helt StÍF niðri á 19 málum, og seinastu smáu tíggju minuttir skoraði útiliðið ikki, meðan teir bláu úr Havn koyrdi sigurin heim.

Myndir: Neistin-StÍF

Í Kollafirði var uppgerð millum tvey tey niðastu liðini á stigatalvuni. KÍF uppbygdi sær skjótt eina leiðslu og vann tryggan sigur á Team Klaksvík.

H71 - VÍF 34-30 (18-14)

Toppskjúttar: 
Peter Krogh 7, Filip Jojic 11

Neistin - StÍF 26-19 (12-10)

Toppskjúttar: Høgni Zachariassen 8, Jóannes A. Prestá og Pætur Ò. Barclay 5

KÍF - Team Klaksvík 31-23 (20-13)

Toppskjúttar: Borko Cupara og Hans Eli Sigurbjørnsson 7, Jens Pauli Mohr 7

Støðan í Okkara-deildini: 
Neistin 15 (10 dystir)
VÍF 13 (10 dystir)
Kyndil 12 (10 dystir) 
H71 13 (10 dystir)
StÍF 8 (9 dystir)
KÍF 7 (10 dystir)
Team Klaksvík 2 (10 dystir) 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder