Fótbóltur

Óli aftur í B68

Royndi álopskendi leikarin skal royna at verða við til at spæla B68 í Betrideildina aftur.

(Mynd: B68)

(Mynd: B68)

2019-11-21 14:14 Author image
Agnar Prestá

Hann skifti frá B68 til NSÍ seinasta vetur. Í Runavík gjørdist tað talan um 10 innhopp á besta liðnum; millum annað eitt í Europa League á Svangaskarði og eitt í kappingini um Løgmanssteypið, har hann vann NSÍ eitt brotsspark í Gundadali. Í Betrideildini spældi Óli Højgaard Olsen bert 80 minuttir í farna kappingarárið, og nú vendir leikarin ið fyllur 34 sunnudagin heim.

Óli hevur leikti yvir 250 dystir fyri B68, og hann kann gerast ein lyklaleikari í royndini hjá felagnum í spæla seg upp í Betrideildini aftur, har liðið seinast var í 2016. 

Les eisini: B68 brynjar seg av álvara til komandi árini

Óli og B68 hava gjørt ein tvey-ára sáttmála, og nógvir aðrir leikarar hava skrivað undir fyri 2020 og 2021 á Toftum seinastu tíðina.

Tøl: FaroeSoccer

placeholder
placeholder