Óvist hvussu nógv er uppá spæl í seinasta umfari

Betri-deildin hjá monnum endar seinnapartin. Eitt langt kappingarár, har HB hevur verið heilt suverent, avgjørdi FM fyri einum mánaði síðani og hevur met í stigum. NSÍ, KÍ og B36 tryggjaðu sær aftur luttøku í Evropa League, og peningin sum fylgir við. Skála var best av botn-fimm liðunum. Spurningurin er framvegis: Hvør fer niður, og hvussu nógv fara niður.

Hesin spurningurin hevur hingið í luftuni alt árið, og hann verður kansa endaliga svaraður stutt eftir klokkan 13.30 í Leirvík. Tá spæla b68 og Víkingur avgerandi dyst í 1. deild; vinnur b68 dystin, ið varð avblástur í gjár vegna veður og fluttur til í dag, so flyta toftamenn upp. KÍ og NSÍ mistu stig í gjár, so hurðin er opnað fyri liðið hjá Bill Mc Leod Jacobsen og hansara liðið. 

Á Argjum og á Vágoynni vóru tíðindini ikki góð. Um B68 vinnur, er lagnan hjá AB og 07 Vestur staðfest, áðrenn liðini renna inn á vøllin í dag, tí so flytia tvey lið niður.

AB er á útivølli móti EB/Streymi, ið tryggjaði sær sætið í bestu deildini týskvøldið við javnleiki í Vágunum, og harvið var við at senda vágamenn niður. 07 Vestur er í Trongisvági í dag. AB skal vinna; 07 Vestur kann møguliga klára seg við einum javnleiki, um bert eitt lið flytir niður. 

HB fær handað sítt sera uppiborna steyp og síni heiðursmerki, og kann økja um metið í Gundadali í dag. Vìkingur, ið hevur havt eitt sera skuffandi kappingarár vitjar. Skála tekur ímóti B36, ið kann koma uppá bronsuplássið 

Tað verður bíðað við spenningi eftir úrslitinum í Leirvík. Um B68 vinnur er sera lítið uppá spæl, tá liðini møta til dyst kring landið í fremstu deildini. Silvurkrónurnar eru tó uppá spæl í Runavík.

Seinasta umfar í Betri-deildini: 

Nr.		Lið	D	V	J	T	VM	TM	MM	S
1		HB	26	23	1	2	56	17	+39	70
2		NSÍ	26	16	4	6	62	24	+38	52
3		KÍ	26	16	3	7	47	23	+24	51
4		B36	26	15	5	6	53	32	+21	50
5		Víkingur	26	11	6	9	38	35	+3	39
6		Skála	26	8	5	13	30	37	-7	29
7		TB/FCS/Royn	26	7	4	15	26	42	-16	25
8		EB/Streymur	26	4	9	13	30	51	-21	21
9		07 Vestur	26	5	2	19	30	70	-40	17
10		AB	26	4	3	19	14	55	-41	15