Ingi Samuelsen
Manchester City og áleyparin Reheem Sterling samdust í gjárkvøldið um at leingja sáttmálan sínámillum, so Sterling verður knýttur at felagnum til 2023.
23 ára gamli landsliðspælarin, sum kom frá Liverpool í 2015, hevur skorað seks mál og lagt upp til fimm onnur í Premier Leagua higartil í ár.
Síðan skiftið úr Liverpool hevur hann ment seg heilt nógv, og tað verður eisini sagt vera orsøkin til at hann nú fekk ein fimm ára sáttmála í boði.
- Eg eri fegin um leingjanina. Eg havi havt eina ótrúliga menning, og síðan fyrstu løtu eg kom her, havi eg kent á mær, at tað var rætta valið, sigur Sterling við heimasíðuna hjá City.
Síðan summrið 2015 hevur Reheem Sterling spælt 154 dystir fyri Manchester City, skotið 51 og lagt upp til 55 mál.
Í morgin verður stórdystur á City of Manchester Stadium, tá tað verður grannauppgerð millum City og Manchester United.
Vinarliga broyt tínar kennifíla - og privatlívsstillingar fyri at síggja hetta innihald