Agnar Prestá
Juventus hevði fult stigatal undan dagsins dysti móti Genoa. Men suverana oddliðið í Serie A megnaði ikki at fáa trý stig.
Cristiano Ronaldo legði annars heimaliðið á odda í 18.minutti. Hetta var eitt serstakt mál, tí hetta var mál nummar 400 hjá Cristiano Ronaldo í ligafótbólti. 33-ára gamla superstjørnan er fyrsti leikarin, ið kemur uppá hetta talið í evropeiskum fótbólti. Lionel Messi er tættast uppá hetta talið; Barcelona-leikarin hevur skorað 387 mál í La Liga.
Juventus var ávegis enn einum sigri, men Genoa javnaði um miðjan 2.hálvleik. Harvið steðgar sigursrøðin hjá Juventus í heimligu deildini á átta. Napoli spælir úti móti Udinese í kvøld; Um Napoli vinnur, er munurin í oddinum fýra stig.
Cristiano Ronaldo hevur skorað fýra mál fyri Juventus í Serie A. Hann og Juventus vitja týskvøldið á Old Trafford.
Vinarliga broyt tínar kennifíla - og privatlívsstillingar fyri at síggja hetta innihald