Fótbóltur

Rosenborg eru norskir meistarar

Norska stórfelagið vann deildina fjórða árið á rað.

Mynd: Scanpix

Mynd: Scanpix

2018-11-12 08:37 Author image
Ari av Rana
placeholder

Við 1-0 sigri á Start í gjár gjørdist greitt, at Rosenborg eru norskir meistarar. Hetta er fjórða árið á rað, at Rosenberg eru ovast, tá kappingarárið eru liðugt.

Samuel Adegbenro skoraði einsamalla málið hjá Rosenborg í dystinum móti Start.

Við meistaraheitinum í ár hevur Rosenborg nú vunnið bestu norsku deildina 26 ferðir.

Ein dystur er eftir av kappingarárinum, og við sínum 63 stigum kann eingin innheinta Rosenborg. Molde er á øðrum plássi við 56 stigum, meðan Brann hevur 55 stig á triðja plássi.

placeholder
placeholder