Rúni Herup Olsen takkar fyri seg

Eftir trý ár sum formaður í B36 hevur Rúni Herup Olsen tikið avgerð um, at hann takkar fyri seg í hesum umfarinum. Ein avgerð, sum nevndin tikið til eftirtektar.

Hetta skrivar heimasíðan hjá B36 í kvøld.

Rúni kom í nevndina í árstalsfelagnum fyri fimm árum síðani og heimasíða felagsins skrivar, at Rúni hevur røkt formanssessin við nærlagni og hegni, og hann hevur verið nógv avhildin av øllum kring B36.

B36 boðar frá, at tað verður ein fyrrverandi formaður í felagnum, sum tekur við fram til aðalfundin, sum verður tíðliga í 2019. Talan er um Sámal Ímundarson, sum fer at røkja formanssessin. Sámal var undan hesum næstformaður í nevndini og formaður felagsins frá 2011 til 2013.