Samstarvið í Suðuroynni heldur ikki fram

Eftir lagnufund í kvøld er greitt, at feløgini í Suðuroynni fara hvørt til stítt eftir tvey-ára royndartíðin er av.

Feløgini gjørdust ikki samd um grundleggjandi viðurskifti. Við Suðurás sigur formaðurin í FC Suðuroy, Julius Vest Joensen, at umboðini hjá TB hildu fast um, at spælast skuldi bert við Stórá í Tongisvági. Harumframt var ikki semja um at hava felagsnevnd og felagsnavn, og at tað fíggjarliga skuldi vera eitt. TB ynksti at fáa meirilutan av fíggjarliga býtinum og halda fast í tí, sum felagið samtykti á aðalfundi um hesi viðurskiftini fyri stuttum.

Við Suðurrás úttalaði seg Julius Vest soleiðis: - Har var onki at gera. Hann staðfesti, at feløgini nú fara undir fyrireikingarnar til komandi ár hvør sær; TB verður í Betri-deildini, FC Suðuroy í 2. deild og Royn helst í 3. deild. 

Tað vóru annars vónir um, at samstarvið kundi halda fram, men tað eyndaðist ikki at finna loysnirnar, og nú sær fótbólturin í Suðuroynni aftur ørvísi út.