Fótbóltur

Sarri fingið fótin í Juventus

Italsku meistararnir boðaðu leygardagin frá, at venjarin, Maurizio Sarri, hevur fingið sekkin eftir vónbrotið í Champions League fríggjakvøldið. Nýggjur venjari verður fyrrverandi stjørnan á Juventus miðvøllinum Andrea Pirlo.

Maurizio Sarri hevur fignið sekkin í Juventus eftir vónbrotið í Champions League Fríggjakvøldið. (Mynd: EPA)

Maurizio Sarri hevur fignið sekkin í Juventus eftir vónbrotið í Champions League Fríggjakvøldið. (Mynd: EPA)

2020-08-08 20:02 Author image
Niels Pauli Danielsen
placeholder

Juventus váttaði leygardagin, at felagið hevur givið venjaranum Maurizio Sarri sekkin.

Italska stórfelagið var fríggjakvøldið sligið út úr Champions League av franska Lyon, og tað kostar nú starvið hjá Sarri, ið bert hevur verið venjari hjá Juventus í eitt ár.

61 ára gamli Sarri førdi Juventus til níggjunda meistaraheitið á rað hjá felagnum, men stóra vónbrotið í Champions Leageu gjørdist dýrt fyri venjaran.

Les eisini: Meistaraliðini úr Spania og Italia eru úti

Fáar tímar eftir at Sarri var uppsagdur gjørdist greitt, at Andrea Pirlo tekur yvir sum venjari í felagnum. Tað boðar Juventus frá á heimasíðu felagsins.

Fyrrverandi stýrimaðurin á miðvøllinum hjá Juventus var annars settur sum U23 venjari hjá felagnum fyri stuttari tíð síðan. Nú er hann so fluttur upp sum venjari hjá fyrsta liðinum.

41 ára gamli Pirlo fær ein tvey ára sáttmala við Juventus.

[object Object]Andrea Pirlo verður nýggjur Juventus venjari.(Mynd:EPA)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder