Undan kappingarbyrjan í 2016 kom tá 29-ára gamli Semir Hadzibulic til Føroyar á fyrsta sinni. Hann gjørdist beinanvegin ein lyklaleikari á miðvøllinum hjá KÍ, og hevur við m.a. sínum frálíku teknisku og fysisku førleikum verið ein av profilunum í føroysku kappingini seinastu árini. Sambært Faroe Soccer hevur Semir spælt 82 dystir í øllum kappingum fyri KÍ og skorað tíggju mál.
Til núverandi kappingarár fekk KÍ millum annað Deni Pavlovic inn. Hann hevur víst seg at verið sera sterkur í miðverjuni hjá KÍ, og hevur verið ein av bestu verjuleikarunum í Betri-deildini í ár. Deni hevur sera góðar eginleikar at lesa spælið, og umframt at hann kemur fyri nógvum í verjupartinum, hevur hann skorað tvey týdningarmikil mál í Evropa – úti og heima móti Birkirkara, har KÍ spældi seg víðari. Deni Pavlovic hevur spælt 22 dystir fyri KÍ, og skorað tvær ferðir í heimligu kappingini.
Deni er júst vorðin 25 ár, og hann og 32-ára gamli Semir hava í dag longt um samstarvið við KÍ. Hetta skrivar Norðlýsið í kvøld. Serbisku leikararnir høvdu sáttmála fyri 2019 framanundan, men hann er nú longdur eitt ár.
KÍ er í løtuni á 2.plássið í Betri-deildini við 45 stigum.
Fótbóltur
Serbiskir profilar longt við KÍ
KÍ hevur tryggjað sær nýggjan sáttmála við sterkan verjuleikara og sterkan miðvallara.
Deni Pavlovic hevur av álvara gjørt vart við seg í sínum fyrsta ´rið í føroyskum fótbólti (Mynd: Sverri Egholm)
2018-09-06 20:59
Vinarliga broyt tínar kennifíla - og privatlívsstillingar fyri at síggja hetta innihald