Signhild rakk akkurát ikki hálvfinaluni

Signhild Joensen svam í morgun 200 metrar ryggsvimjing í Evropameistarastevnuni í Glasgow.

Signhild svam teinin uppá 2:15.84, sum er nakað frá hennara bestu tíð, sum er føroyska metið á 2:14.01. Hetta er tó hennara næst besta tíð, sum hon hevur svomið um morgunin á svimjikapping.

Hóast Signhild væl og virðiliga megnaði at svimja undir kravtíðina uppá 2:16.13 til HM í Suðurkorea í 2019, so var Signhild ikki heilt glað fyri tíðina. Svimjing.com skrivar, at Singhild segði at hon var “so tætt við”, og sipaði til hálvfinaluna. Singhild er nú næsta reserva at sleppa at luttaka í hálvfinaluni í kvøld.