Agnar Prestá
Eftir landsliðssteðgin fara deildirnar kring Evropa nú aftur í gongd. Í dag byrjar 13.umfar í Premier League.
Liverpool kann halda fram við leggja trýst á Manchester City, tá Klopp og hansara menn vitja Watford. Eftir eina sera góða byjan uppá kappingarárið er Watford steðgað nakað upp. Liverpool hevur ikki tapt í ár. City, ið er tvey stig frammanfyri Liverpool, vitjar West Ham á olympiska leikvøllinum í London og er stórfavorittur.
United tekur ímóti Crystal Palace, og liðið hjá Mourinho skal hava trý stig fyri at nærkast topp-fýra av álvara. Fulham tekur ímóti Southampton til botndyst.
Tottenham og Chelsea jagstra Liverpool og Manchester City heilt frammi í oddinum. Bæði London-liðini hava fingið nógv stig í ár; Chelsea hevur tó sæð meira sannførandi út. Chelsea er nummar trý við 28 stigum - Tottenham er nummar fýra við 27 stigum. Tottenham hevur trupulleikar við skaðum, har millum annað Trippier, Verthongen og Dembelé eru úti. Chelsea er fullmannað. Tað er Pochettino móti Sarri, og nógv er uppá á Wembley í kvøld.
Hesir sjey dystirnir eru á skránni:
15.00: Brighton - Leicester
Everton - Cardiff
Fulham - Southampton
Manchester United - Crystal Palace
Watford - Liverpool
West Ham - Manchester City
17.30: Tottenham - Chelsea
Vinarliga broyt tínar kennifíla - og privatlívsstillingar fyri at síggja hetta innihald