Sonur Michael Schumacher nærkast Formel 1

Mick Schumacher nærkast Formel 1. Mick er sonur navnframa Michael Schumacher, sum vann Formel 1 sjey ferðir.

19 ára gamli Mick skal komandi ár koyra í Formel 2, sum er næst hægsta støði innan kappkoyring, beint undir Formel 1.

Týski tannáringurin longdi í dag um sáttmála sín við Prema Racing, sum samstundis flutti hann úr Formel 3 til Formel 2.

Mick gjørdist seinasta kappingarár heimsmeistari í Formel 3, skrivar TV2.

Mick er sum sagt sonur Michael Schumacher, sum gjørdist heimsmeistari í Formel 1 sjey ferðir frá 1994 til 2004. Hann gavst við koyringini í 2012.