StÍF fingið nýggja nevnd

Týskvøldið var árligi aðalfundurin hjá StÍF í bygdahúsinum á Strondum.

Á skránni var nevndarval, og Elin Maria Bærentsen, Janneth Heinesen og Magni Jacobsen stillaði ikki uppaftur.

– Elin Maria og Janneth hava sitið í nevndini í fimm ár, og Magni hevur sitið í tvey ár. StÍF takkar teimum hjartaliga fyri teirra stóra arbeiði og íkast fyri felagið, skrivar felagið í tíðindaskrivi.

– Gleðiligt var, at fleiri valevni bjóðaðu seg fram á aðalfundinum.

Hesi eru nývald í nevndina: Ólavur í Geil, Ann Berg Christensen, Sára Mrdalo, Simona Paula á Fríðriksmørk og Suni Ernstsson. Alexandur Johansen er tiltakslimur.

Rúni Rasmussen, sum hevur verið formaður seinastu trý árini, legði frá sær sum formaður, men heldur fram í nevndini.

Nevndin telur nú sjey limir, og eftir aðalfundin skipaði nýggja nevndin seg soleiðis:

• Egi Gothard Danielsen, formaður
  
• Ann Berg Christensen, næstforkvinna
  
• Rúni Rasmussen, skrivari
  
• Suni Ernstsson, kassameistari
  
• Ólavur í Geil, nevndarlimur
  
• Sára Mrdalo, nevndarlimur
  
• Simona Paula á Fríðriksmørk, nevndarlimur
  
• Alexandur Johansen, tiltakslimur