Sverri hevur róð seg í finaluna

Sverri Sandberg Nielsen er í finaluni í World Cup II kappingini í Sveis. Hann róð seg í dag til eitt annað pláss í hálvfinaluni við tíðini 7.10.17.

Sverri legði seg annars á odda beinanvegin, men tá 500 metrar vóru eftir á mál fór týski Olivier Ziedler framvið, og vann við tíðini 7.09.09.

Finalan í einkult skullara hjá monnum verður í morgin klokkan 11:29 føroyska tíð.

Til ber at fylgja við á worldrowing.com.