Agnar Prestá
HB spælir hóskvøldið seinna dystin í 2. umfari í Europa League. Dysturin verður í norðurírska høvuðsstaðnum, og eftir 2-2 í Gundadali fyri viku síðani, har HB var greitt omaná í spælinum, er alt opið.
Føroyameistararnir eru farnir av landinum fyrr í dag - tað var uttan 26-ára gamla málverjan Teit Matras Gestsson. Teitur gjørdist ársins málverji í føroyskum fótbólti í fjør og vardi málið hjá A-landsliðnum í seinastu undankappingardystunum ímóti Spania og Noreg. Teitur hevur spælt allar dystirnar fyri HB í ár, og leygardagin var hann liðformaður.
Teitur Gestsson verður verandi í Føroyum, av tí at hann og unnustan vænta barn heilt skjótt. Teitur ynskir at vera við til føðingina og er tí ikki við í hópinum hjá HB hesuferð. Hetta váttar málverjin fyri Portalinum.
Nógv bendir á, at tað verður Bjarti Vitalis Mørk, ið kemur at verja málið hjá HB í Belfast. 18-ára gamli leikarin hevur verið eykamálverji allarflestu dystirnar hjá HB í ár.
Vinarliga broyt tínar kennifíla - og privatlívsstillingar fyri at síggja hetta innihald