Fótbóltur

Totteham snávaði í Burnley

Tottenham hevði møguleikan at nærkast Liverpool og City, men tapti ímóti einum av liðunum í botninum, hóast afturvendi Kane skoraði.

Kane gjørdist skaddur 13. januar ímóti United. Hóast hann var aftur í dag, so eydnaðist tað ikki hjá Tottenham at vinna á Burnley í dag
(Mynd: EPA)

Kane gjørdist skaddur 13. januar ímóti United. Hóast hann var aftur í dag, so eydnaðist tað ikki hjá Tottenham at vinna á Burnley í dag (Mynd: EPA)

2019-02-23 14:35 Author image
Agnar Prestá
placeholder

Burnley tók ímóti Tottenham í dagsins fyrsta Premier League-dysti. Tað var eitt av liðunum, sum er í botnstríðnum móti einum av liðunum í oddastríðnum á Turf Moor, men tað var liðið í botninum, sum sigraði.

Tottenham er í einari góðari gongd, og í dag var Harry Kane aftur á liðnum. Í 1. hálvleiki var liðið hjá Pochettino greitt omaná, men fekk ikki nakað burturúr yvirvágini. Burnley-liðið var vælskipað, og stórar tíggju minuttir inn í 2. hálvleik kom heimaliðið á odda. Tað var áleyparin Chris Wood, ið sló til. Men Kane er eisini vandamikil, og liðskiparin á enska landsliðnum svaraði aftur í 65.minutti. 

Nú søkti Tottenham eftir sigrinum, men tað var Burnley, ið avgjørdi dystin. Ashley Barnes og Wood eru ein góð álopsduo í løtuni, og tað var Barnes, ið gjørdist matchvinnari. Trý ógvuliga týdningarmikil stig hjá Sean Dyche og hansara monnum, ið nú eru seks stig frá strikuni,

Hetta var ein smeitur hjá Tottenham, ið stríðast fyri enska meistaraheitinum. Tann setningurin gerst nú týðiliga truplari at greiða.

Burnley - Tottenham 2-1 (0-0)

15.00: Bournemouth - Wolves
          Newcaslte - Huddersfield

17.30: Leicester - Crystal Palace

Í gjár: Cardiff - Watford 1-5 (0-1)
          West Ham - Fulham 3-1 (2-1) 

Manchester City *

 

65 stig

2

Liverpool

 

65 stig

3

Tottenham Hotspur *

 

60 stig

4

Manchester United

 

51 stig

5

Arsenal

 

50 stig

6

Chelsea

 

50 stig

7

Watford *

 

40 stig

8

Wolverhampton

 

39 stig

9

West Ham *

 

36 stig

10

Everton *

 

33 stig

11


AFC Bournemouth

 

33 stig

12

Leicester

 

32 stig

13

Burnley *

 

30 stig

14

Crystal Palace

 

27 stig

15

Brighton & Hove Albion 

 

27 stig

16

Cardiff *

 

25 stig

17

Newcastle

 

25 stig

18

Southampton

 

24 stig

19

Fulham *

 

17 stig

20

Huddersfield Town

 

11 stig

* Leikt ein dyst fleiri

 

placeholder
placeholder