Fótbóltur

Tveir útlendskir leikarar til B71

Felagið á Sandoynni hevur nú beint undan kappingarbyrjan fingið styrk úr Danmark og Íslandi.

Nýggi íslendingurin hjá B71, Brynjar Óli Bjarnason 
(Mynd: B71.fo)

Nýggi íslendingurin hjá B71, Brynjar Óli Bjarnason (Mynd: B71.fo)

2019-03-09 12:04 Author image
Agnar Prestá
placeholder

Í dag fer næstbesta deildin hjá monnum í gongd. Umframt 07 Vestur og B68 kann B71 flyta upp. Í fjør endaði liðið á Sandi nummar 8 sum uppflytari. 

B71 kunngjørdi í gjár tilgongd av tveimum nýggjum leikarum. Talan er um danska miðvallaran Maad Ali Aziz og íslendska áleyparan Brynjar Óli Bjarnason. 

25-ára gamli Maad hevur leikt við feløgum á Fjóni, har hann ímillum annað hevur umboðað OB. Brynjar er komin úr íslendska Breiðablik. Leikararnir hava verið til royndarvenjing Inni í Dali, og pappírini hjá teimum komu uppá pláss í gjár. Báðir hava gjørt eitt-ára sáttmála við B71.

 

[object Object]
(Maad Al Aziz saman við formanninum hjá B71, Karl Vidtfeld - Mynd: B71)

Sandoyingar byrja kappingarárið við heimadysti móti Skála. Hann verður bríkslaður í gongd klokkan 15.00 í dag. 

placeholder
placeholder