Fótbóltur

Vágamenn seta norðmann við róðrið

07 Vestur hevur gjørt ein 3 ára sáttmála við 35 ára gamla norðmannin Julian Madsen.

Jim Sonni Guttesen og Julian Madsen (Mynd: 07 Vestur)

Jim Sonni Guttesen og Julian Madsen (Mynd: 07 Vestur)

2018-11-25 09:55 Author image
Sverri Egholm

07 Vestur hevur sett Julian Madsen sum venjara hjá besta liðnum, sum í ár flutti niður í næstbestu deildina. Hann skal tí fyrireika vágamenn til uppflyting í bestu deildina aftur.

Felagið skrivar á heimasíðuni, at Julian Madsen hevur nógvar royndir sum venjari í Noreg, og var í 2013 av norska fótbóltssambandinum í uppskoti at vera kosin ársins ungi venjari.

Umframt Julian Madsen hevur 07 Vestur eisini sáttmála við Ken Fagerberg, sum skal taka sær av at venja ungdómin. Felagið hevur eisini tveir ungdómsvenjarar í fullum starvi. Teir eru Jens Erik Rasmussen og Albert Ellefsen.