Tíðindaskriv
Umframt at vinna gull í 67 kilo vektklassanum, vann Niels Áki samlaðu kappingina fyri allar vektklassar, tá ið sonevndu sinclair-stigini verða roknaði.
Vinnaralyftini vóru 89 kilo í trekk og 111 kilo í stoyt. Samanlagt 200 kilo. Sinclair-stigini vóru 274.
Við DM-junior í oktober í fjør vóru lyftini 85/105/190 kilo. Betringin er sostatt 10 kilo. Fyrradagin eyðnaðust nærum 92 kilo trekk og 115 kilo stoyt. Tað fyrra lyftið bleiv tó kastað afturum, meðan tað seinna bleiv kolldømt.
Næsta kapping er FM 2022, sum verður komandi vikuskifti. Kappingin verður kl. 14 í Fimleikar-/Virknishøllini í Kommunuskúlanum í Havn. Fyrireikararnir vænta eina spennandi kapping, samstundis sum tað leggjast alsamt nýggir lyftarar til.
Nýliga eru stovnaði tvey nýggj feløg, Stoyt og Burn Athletics. Saman við landsdekkandi Styrkifelagi Føroya eru sostatt trý styrkifeløg undir Føroya Styrkisambandi.
Aðrar kappingar fyri framman eru DM í mai, Women GP Luxemburg í mai, DM-lið í juni, Føroyaleikir í juli, Int.Citade Spain í juli, NM Junior Ísland í okt/nov, NM Senior Finland í oktober/november og Felagskapping Styrki- og vektlyfing í november.
Vinarliga broyt tínar kennifíla - og privatlívsstillingar fyri at síggja hetta innihald