Agnar Prestá
Seks dystir og 16 stig. Tað gongur sum smurt hjá AIK at fáa stig í hesum kappingarárinum, og í gjár var talan um mest sannførandi sigurin.
Liðið hjá Mikkjali Thomassen vann bóltin í høgum trýsti tvær ferðir fyrstu nítjan minuttirnar og revsaði ógvuliga væl.
Sí málini og nøkur hæddarpunkt omanfyri ella HER
John Guidetti spældi stóran leiklut. Hann legði fyrst væl upp til Johan Hove og skoraði síðani til 2-0 eftir flotta sending frá Bersant Celina.
33-ára gamli áleyparin spældi lítið fyrstu tíðina undir Mikkjali Thomassen, men nú er veruliga hitnað. Guidetti sigur seg trívast væl, og føroyski venjarin staðfestir fyri svenskum miðlum, at royndi maðurin gevur ógvuliga nógv og er væl fyri. Tosað verður um at leingja sáttmálan.
Elfsborg er á 4. plássi í Allsvenskan. AIK er nummar eitt og ósigrað - tvey stig eru niður til Mjällby á 2. plássi.
Næsta uppgáva hjá Mikkjali og teimum er spennandi: Grannauppgerð móti Djurgården sunnudagin seinnapartin.
Vinarliga broyt tínar kennifíla - og privatlívsstillingar fyri at síggja hetta innihald