- Áskoðarafjøldin við Djúpumýru lyftir okkum tað seinasta

- Ja, tað er planurin. Nú hevur man skorað tveir dystir á rað, so tað er akkurat tað sama at forseta.

Hetta sigur Páll Andrasson Klettskarð, tá hann í samrøðu við almennu síðuna hjá KÍ veðrur spurdur um, hann ikki fer at skora aftur týskvøldið.

36-ára gamli áleyparin er saman við liðfelaganum Árna Frederiksberg føroyskur evropeiskur toppskjútti við 15 málum. Málini í fyrsta umfari móti Atert Bissen vóru tey fyrstu hjá Pálli í Champions League - bæði komu eftir eftir góðar stútarar í sambandi við góðum deyðbóltum frá Árna Frederiksberg.

Páll Klettskarð økti til 2-0 í Klaksvík og skoraði til 2-1 í Luksemborg (Myndir: Sverri Egholm)

Royndi áleyparin staðfesti eisini í samrøðuni fyrr í dag, at KÍ framvegis er á einari bylgju eftir sigurin í Luksemborg mikudagin. Nú snýr tað seg um 2. umfar og Kauno Zalgiris.

Sambært KÍ kunnu, sum nú er, eini 1.000 áskoðarar væntast við Djúpumýru týskvøldið, og júst heimaáskoðararnir hava nógv at siga, staðfestir Páll Klettskarð:

- Tað er sjálvandi eyka stuttligt at spæla frammanfyri einari stórari fjøld. Vit eru glaðir fyri stuðulin, og áskoðarafjøldin við Djúpumýru lyftir okkum tað seinasta.

Fyrri dysturin millum meistararnar úr Føroyum og Litava byrjar klokkan 19.45 í morgin, 21. juli. Seinni dysturin verður 29. juli - samanlagdi vinnarin kemur í 3. umfar í Champions League og tryggjar sær samstundis eitt evropeiskt bólkaspæl í heyst og vetur.