Agnar Prestá
Gunnar Nielsen er aftur í føroyska A-landsliðshópinum. Royndi málverjin spældi í fyrsta landsdystinum í ár móti Malta, men síðani hava sóttarhaldsreglur í Íslandi lagt honum meinbogar í vegin.
Ístaðin hevur Teitur Matras Gestsson vart føroyska málið, og tað hevur 28-ára gamli HB-leikarin gjørt væl. Hann hevur eisini havt eitt frálíkt ár í Betrideildini, og Teitur segði við Portalin mánadagin, at kenslan var framvegis góð, eftir at FM var komin í hús, tó at tað nú eisini var deiligt at fáa eina nýggja uppgávur at hugsavna seg um.
Teitur setur í samrøðuni, sum var gjørd í samband við at føroyska landsliðið vandi á Tòrsvølli, orð á kappingina við Gunnar, og hvussu samstarvið er teirra millum og við nýggja málmansvenjaran Andras Gango, ið hevur hægstu málmansvenjaraútbúgvingina.
Føroyar og Litava spæla í dag klokkan 17.00. Talan er um venjingardyst, sum kann síggjast á kvf.fo.
Tað verður sum skilst helst Gunnar Nielsen, ið fær møguleikan í málinum í kvøld. Vit leggja liðuppstillingina út so skjótt, sum hon er tøk.
Vinarliga broyt tínar kennifíla - og privatlívsstillingar fyri at síggja hetta innihald