Oyggjaleikir 2019

- Ómetaliga skuffað

Rannvá D. Carlsson var vónbrotin eftir 2-0 tapið í hálvfinaluni.

Rannvá D. Carlsson tapti 2-0 móti Jessica Li úr Isle of Man (Mynd: Sverri Egholm)

Rannvá D. Carlsson tapti 2-0 móti Jessica Li úr Isle of Man (Mynd: Sverri Egholm)

2019-07-11 11:58 Author image
Sverri Egholm

- Eg eri ómetaliga skuffa, og eg føli at eg ikki fekk mítt spæl at koyra. Eg fann ikki vøllin, og fekk ikki smassjini at koyra, segði Rannvá D. Carlsson eftir hálvfinaluna í morgun.

Hóast vónirnar vóru góðar undan dystinum, so tapti Rannvá D. Carlsson dystin 2-0 í settum. Settúrslitini gjørdust 15-21 og 14-21.

Spurd um hon hevði væntað at vunnið dystin sigur royndi badmintonleikarin: Ja, eg tað hevði eg væntað. Eg eigi at vinna móti henni, segði ein vónbrotin Rannvá D. Carlsson, sum tó kann ugga seg við at hava vunnið bronsu.

- Tað hevði verið skeg við gulli ella silviri, men ein bronsa er eisini góð, sigur Rannvá D. Carlsson.

Bartal Poulsen spældi eisini fyrr í dag, og hann tapti somuleiðis 2-0. Eftir dystin segði hann, at hann hevði ætla sær at vunnið, og var tí eitt sindur skuffaður. Hann kann tó eisini ugga seg við at hava vunnið bronsu.

 

placeholder
placeholder