2025-02-21 07:24
Agnar Prestá
Agnar Prestá
07 Vestur er við at leggja seinastu hondina á hópin til 2025, og í gjárkvøldið kunngjørdi felagið ein nýggjan norskan spælara.
Talan er um 20-ára gamla bakkin Brage Kvithyld. Felagið skrivar, at hann kann bæði spæla sum vinstri bakkur og sum miðverji; fyrst og fremst er hann bakkur.
Ungi norðmaðurin hevur higartil spælt 18 dystir við Ranheim í næstbestu deildini í Noreg. Teir allarflestu vóru í 2023. Í seinnu hálvu í fjør varð Kvithyld leigaður út til Stjørdals-Blink í triðbestu deildini, har hann sambært Transfermarket spældi 6 stig.
- Brage er sagdur at vera eitt stórt talent á sínum plássi. Hann hevur longu fingið nakað av royndum at menna seg. Hann hevur spælt 18 dystir í næstbestu deildini í Norra. Eisini hevur hann umboðað U18 landsliðið hjá Norra eina ferð, skrivar 07 Vestur.
Í seinastu viku skrivaði 07 Vestur undir við danska áleyparan Mikkel Hyllegaard.
Vinarliga broyt tínar kennifíla - og privatlívsstillingar fyri at síggja hetta innihald