Alda Nielsdóttir
Felagsliðið fyri vestan hevur altíð vektað ungdómsarbeiði høgt og síðan Hegga Samuelsen mátti siga høvuðsumgdómsvenjarastarvið frá sær, hevur verið arbeitt hart við at fylla skógvarnar eftir Hegga. Leitað hevur verið bæði innanlands og uttanlands eftir rætta venjaranum til starvið, og er valið fallið á bretan Matthew Potter, skrivar 07 Vestur í tíðindaskrivi.
Matthew Potter er 40 ára gamal og útbúgvin UEFA A venjari við serligum fokus á ungdómsfótbólt, har hann hevur lokið hægstu UEFA venjaraútbúgvingina innan barna- og ungdómsfótbóltin.
Seinastu árini hevur Matthew starvast sum ungdómsvenjari og -mennari hjá Norwich City og Cholchester United í Onglandi, umframt at arbeitt sum fótbóltmennari hjá enska og norska fótbóltssambandinum.
Matthew hevur undirskrivað 1,5 ára sáttmála við 07 Vestur og kemur hann til landið í seinni helvt av august mánaði og byrjar í starvinum beinavegin hann er komin heim. Unnustan og børnini (2 og 4 ár) koma heim seinni í ár.
Ungdómsvenjarahópurin telir eisini navnframa Jens Erik Rasmussen, umframt fleiri lokalar góðar lokalar kreftir.
– Vit ynskja Matthew vælkomin til 07 Vestur og gleða okkum til samstarvið, skrivar 07 Vestur.
Vinarliga broyt tínar kennifíla - og privatlívsstillingar fyri at síggja hetta innihald