Fótbóltur

AB-KÍ spældur mánakvøldið - hósdagin vitjar Riga FC í Klaksvík

Eftir tapið á Tórsvølli í gjár er greitt, hvussu næsta vikan hjá føroyameistarunum sær út: Dysturin í Meistaradeildini er fluttur 25 tímar, og Conference League er síðani á skránni.

KÍ var fyri stórtapið á Tórsvølli í gjár - liðið hjá Magnusi Powell hevur nógvar stórar uppgávur fyri framman (Mynd: Sverri Egholm)

2026-08-15 10:16

Agnar Prestá

Av tí at KÍ - Lech Poznan varð fluttur ein dag vegna løgna UEFA-avgerð, kunnu AB og KÍ ikki spæla landskappingardyst sunnudagin.

Reglugerðin sigur, at eitt lið skal hava minst tveir heilar hvílidagar ímillum.

Tískil er AB - KÍ í 19. umfari fluttur frá sunnudegi 17.15 til mánadag 17. august klokkan 18.30.

Talan er um týðandi dyst hjá føroyameistarunum í fjør, sum nú eru trý stig aftanfyri oddaliðið NSÍ.

Árni Frederiksberg: Tað vantar orka í liðnum - mugu velja okkara kampar og ein ekstremt týðandi dystur verður móti AB mánadagin (Video)

Og tætt er millum dystirnar hjá KÍ nú, tí tríggjar dagar eftir uppgerðina á Argjum verður fyrri dysturin í røkkstøkk-umfarinum í Conference League á skránni.

Her bíðar Riga FC, sum er meistaraliðið í Lettlandi. Fyrri dysturin verður í Klaksvík hóskvøldið 20. august.

Meira um hendan dystin næstu dagarnar - FM1 sigur frá hesum báðum dystunum

Vinarliga broyt tínar kennifíla - og privatlívsstillingar fyri at síggja hetta innihald