AB og B36 standa fyri ólavsøkubrakinum í Gundadali

Tað verður landskappingarfótbóltur í Gundadali á ólavsøku. Hetta hava AB og B36 syrgt fyri.

Meistaradeildin skuldi annars ikki byrja aftur sunnudagin 2. august við 17. umfari, og B36-AB er í 18. umfari. 

Dysturin skuldi upprunaliga spælast 9. august, men liðini hava avrátt at spæla á ólavsøku og gera nógv burturúr. Um veðrið er rímiligt, verða mest sannlíkt ógvuliga nógv fólk savnað í Gundadali.

Mynd: B36 og AB

Eitt gott átak hjá AB og B36, sum skulu stríðast um týðandi stig: Argjamenn fyri at sleppa longur frá niðurflytingarstrikuni og nærri evropeiskum pláss og B36 fyri at fyribils staðfesta 3. plássi og nærkast ovastu liðunum.

Sí støðuna í Meistaradeildini her

Hjá AB er um at byggja á gongdina áðrenn summarstðegin. Tað endaði við einum keðiligum tapi fyri EB/Streymi í seinasta umfarinum, men annars hava uppflytararnir bergtikið nógv og longu vunnu sær 30 stig.

B36 hevði eisini leingi eina flotta gongd og liggur í løtuni til evropeiskt pláss - er ikki í evropeisku kappingunum nú og var heldur ikki í fjør. Men seinastu fimm dystirnir fyri steðgin vóru als ikki góðir, og Jákup á Borg hevur tikið yvir fyri Jákup Martin Joensen.

Hoyr eisini: Jákup á Borg tekur yvir (B36-Varpið)

Ólavsøkudysturin í Meistaradeildini byrjar klokkan 19 í morgin, týsdagin 28. juli. FM1 sigur frá dystinum og til ber at fylgja gongdini ovast á Portalinum.