AB U21 hava tryggjað sær Føroyameistaraheitið

Tað hevur gingið sum eftir ánni hjá U21 liðnum hjá AB í ár. Teir hava ligið í oddinum á FM bólkinum alt endaspælið, og við einum trivaligum 5-0 sigri á KÍ í næstseinasta leikumfarinum í Klaksvík í dag tryggjaðu teir sær at blíva Føroyameistarar áðrenn seinasta leikumfar.

Lagið var gott á leikarum og venjaranum Allan Mørkøre aftaná dystin, og ikki sørt av veitslurómi var á vøllinum og í skiftingarúminum, har komandi FM heitið var feirað.

AB hevur nú 37 stig fyri 13 dystir, frammanfyri NSÍ, sum er nr. 2 við 30 stigum fyri 12 dystir, skrivar heimasíðan hjá felagnum.

Seinasti dystur verður um eina viku ímóti NSÍ á Argjum.