Allan Dybczak skal føra NSÍ-kvinnurnar til gullið

NSÍ fyrireikar næsta kappingarár, og á besta liðnum hjá kvinnum, er venjarin komin upp á pláss.

Allan Dybczak er settur sum høvuðsvenjari hjá NSí Í Betri deildini hjá kvinnum.

48 ára gamli venjarin var í tvey ár hjá B36 kvinnum, og hevur síðstu 10 árini verið venjari hjá HB, meginpartin av tíðini hjá besta kvinnuliðnum. Talan er tí um ein sera royndan føroyskan venjara, við góðum innliti í føroyskan kvinnufótbólt.

NSÍ hevur seinastu trý árini átt annað plássið í deildini, og uppgávan hjá Allani Dybczak verður tískil at lyfta liðið upp á eitt hægri støði, so gullið kann vinnast.