Allan K. Jepsen koyrdur til hús

Besta mansliðið hjá NSÍ skal hava nýggjan venjara. Tað er greitt eftir at felagið seinnapartin boðar frá, at Allan K. Jepsen ikki longur er venjari í NSÍ.

NSÍ hevur valt at siga sáttmálan upp, verðru sagt í fráboðanini.

Tað hevur ikki gingið eftir vild hjá runavíkingum í ár. Herfyri taptu teir báðar Europa Conference League dystirnar móti FC Honka úr Finnlandi, og ruku út úr kappingini, og í heimligu kappingini hevur heldur ikki gingið væl.

So seint sum í gjárkvøldið tapti NSÍ 2-1 móti Víkingi. NSÍ liggur á fjórða plássi við 27 stigum.