Allarflestu heiðrarnir fóru til Klaksvíkar

Í kvøld var Fótbóltsgalla 2019 á skránni í Parnassinum á Hotel Hafnia. Tað vóru Miðlahúsið og FM1 sum í samstarvi við Fótbóltssamband Føroya skipaðu fyri.

Ársins leikarar í ymiskum bólkum, sum venjarar, leikarar og miðlafólk hava valt, vórðu heiðraðir, og tað gjørdist skjótt greitt, at KÍ'arar fóru avstað við tí mesta. Hetta var ikki óvæntað; besta mansliðið og besta kvinnuliðið í landsins næststørsta býi vunnu FM, og nógvir einstakir persónar gjørdu vart við seg.

Hjá monnum vann KÍ í seks útav sjey bólkum og heili átta leikarar vóru á ársins liði. Jóannes Bjartalíð gjørdist ársins leikari, umframt ársins miðvallari, og liðskipari hansara, 21-ára gamli Jákup B. Andreasen varð kosin ársins ungi leikari. 22-ára gamli høgri bakkurin Jóannes Kalsø Danielsen varð valdur til ársins verjuleikara, og Kristian Joensen var besti aftasti skansi. Meistaravenjarin Mikkjal Thomassen vann heiðurin sum ársins venjari.

Toppskjúttarnir í báðum deildunum vórðu eisini kosnir til ársins áleyparar. Klæmint Andrasson Olsen setti met við 26 málum hjá monnum. Heidi Sevdal var ofta á pallinum, tí HB-áleyparin varð eisini kosin til ársins leikara hjá kvinnum. Har vóru tað annars KÍ-leikarar, í heilt ymiskum aldursbólkum, ið vunnu heiðrarnar. Á ársins liðið, ið var sett útfrá atkvøðum, var tað væl útdeilt millum teir tríggjar FM-biðlarnar: Fýra úr KÍ, fýra úr HB og tríggir úr ÍF/VÍK/B68

Árni Petersen úr Klaksvík varð kosin til ársins dómara í Betrideildini hjá kvinnum. Hjá monnum var tað Alex Troleis. Hallur Hansson varð valdur til besta A-landsliðsleikara í hesari EM-undankappingini og í Nations League. 

Her eru vinnararnir hjá kvinnum (Vinnarin í feitum, hini tilnevndu niðanfyri) : 

Ársins spælari: 

Ársins lið - kvinnur:

Óluva Joensen (KÍ) - Julia Helena Dal Henriksen (HB), Maibritt Olsen (ÍF/Víkingur/B68), Ragna Patawary (KÍ), Durita Hummeland (KÍ) - Jacoba Langgaard (ÍF/Víkingur/B68), Eyðvør Klakstein (KÍ), Julia Naomi Mortensen (HB), Jensa Tórolvsdóttir (ÍF/Víkingur/B68) - Heidi Sevdal (HB), Rebekka Benbakoura (HB)

Her eru vinnararnir hjá monum (Vinnarin í feitum, hinir tilnevndu niðanfyri) : 

 
Ársins leikari: 

Jóannes Bjartalíð, KÍ

Árni Frederiksberg, B36

Klæmint A. Olsen, NSÍ

Ársins ungi spælari:

Jákup B. Andreasen, KÍ

Petur Knudsen, NSÍ

Adrian Justinussen, HB

Ársins málverji:

Kristian Joensen, KÍ

Teitur M. Gestsson, HB

Tórður Thomsen, NSÍ

Ársins verjuspælari:

Jóannes K. Danielsen, KÍ

Jesper Brinck, KÍ

Andrias H. Eriksen, B36

Ársins miðvallari:

Jóannes Bjartalíð, KÍ

Jákup B. Andreasen, KÍ

Árni Frederiksberg, B36

Ársins áleypari: 

Klæmint A. Olsen, NSÍ

Patrik Johannesen, KÍ

Páll A. Klettskarð, KÍ


Ársins venjari:

Mikkjal Thomassen, KÍ

Jákup á Borg, B36

Heimir Guðjónsson, HB

Ársins dómari:

Alex Troleis

Eiler Rasmussen

Petur Reinert

Ársins A-landsliðsspælari (Nations League íroknað):

Hallur Hansson, AC Horsens (DK)

Sølvi Vatnhamar, Víkingur

Atli Gregersen, Víkingur

Ársins lið - menn:

Kristian Joensen (KÍ) - Jóannes K. Danielsen (KÍ), Jesper Brinck (KÍ), Andrias H. Eriksen (B36), Deni Pavlovic (KÍ) - Jóannes Bjartalíð (KÍ), Jákup B. Andreasen (KÍ), Simen Sandmæl (KÍ), Árni Frederiksberg (B36) - Klæmint A. Olsen (NSÍ), Patrik Johannesen (KÍ)