Andrias Mellemgaard klárur til EPYG í Istanbul

Hesa vikuna er Andrias Mellemgaard úr Havnar Svimjifelag í Istanbul, har hann um  skal kappast í European Para Youth Games (EPYG) – heimsins størstu para ungdómskapping.

Hetta skrivar Parasport Føroyar á Facebook-síðu í dag.

Kappingin byrjar í morgin, fríggjadagin 25. juli, og setanarhátíðin verður í kvøld.

- Andrias hevur fyrireikað seg væl, og tað verður spennandi at síggja hann ímóti nøkrum av bestu ungu parasvimjarunum í Europa.

Við á ferðini eru venjarin hjá Andriasi í HS, Fríði Dam Lindberg og ferðaleiðarin Tróndur Ravnsfjall frá Parasport.

EPYG er ein fleirítróttakapping, sum gevur ungum paraíðkarum møguleikan at royna seg, menna sínar førleikar og fáa íblástur til størri kappingar sum EM, HM og Paralympisku leikirnar.