Fótbóltur

Átta lið eftir í stríðnum um afrikanska meistaraheitið

Í dag fara fjórðingsfinalurnar í AFCON á í gongd, har størstu favorittarnir at vinna steypið skulu í eldin.

Í leguni hjá Madagaskar hevur nógv orsøk verið til at fegnast í fyrsta endaspælinum hjá landinum. Liðið skal í morgin royna seg ímóti Tunesia, ið sló Ghana út í 1/8-finaluni - Mynd: EPA

Í leguni hjá Madagaskar hevur nógv orsøk verið til at fegnast í fyrsta endaspælinum hjá landinum. Liðið skal í morgin royna seg ímóti Tunesia, ið sló Ghana út í 1/8-finaluni - Mynd: EPA

2019-07-10 07:48 Author image
Agnar Prestá

Brasil er suðuramerikanskur meistari, Meksiko vann gullið í Norður- og Miðamerika, og nú skal besta liðið í Afrika anno 2019 skjótt finnast. 24 lið eru vorðin til átta. 

Vertirnir Egyptaland vórðu slignir út av Suðurafrika í áttandapartsfinaluni, og Nigeria sló Kameroon, vinnaran frá seinast, út av kappingini. Favoritturin at vinna Africa Cup of Nations í løtuni er Senegal, ið er stórfavorittur ímóti Benin í fyrstu fjórðingsfinaluni, ið verður leikt í kvøld.

Nigeria er nummar tvey í røðini av favorittum at lyfta steypið, men hevur eina væl truplari uppgávu í kvøld. Í morgin er fyrra uppgerðin sera jøvn og spennandi á pappírinum, og til seinast skal stóra yvirraskilsi í eldin í 1/4-finalunum. Madagaskar er við í endaspælinum á fyrsta sinni.  

Fjórðingsfinalurnar í AFCON
10.07: 

(17.00): Senegal-Benin

(20.00): Nigeria-Suðurafrika

11.07:

(17.00): Fílabeinsstrondin-Algeria

(20.00): Madagaskar-Tunesia

placeholder
placeholder