B36 styrkir seg við Lukas Giessing

B36 hevur skrivað undir við 23 ára gamla Lukas Grenaa Giessing. Hesum boðar felagið frá.

Hann hevur spælt nógv í ungdómsdeildini hjá FC Midtjylland. Í fjør spældi hann við NSÍ, men hevur ikki havt nakað felag síðani. Áður hevur Lukas Giessing eisini umboða HB og AB.

Lukas Giessing hevur spælt á øllum ungdómslandsliðunum, og hevur spælt heilar 18 U21-landsdystir.

B36 liggur nummar trý í landskappingini og skal spæla í Europa Conference League í summar.