B68 koyrt venjaran til hús

B68 boðar í kvøld frá, at venjarin hjá besta mansliðnum er koyrdur til hús.

Felagið hevur tikið avgerð um at enda samstarvið við Aleksander Jovevic, sum hevur verið høvuðsvenjari hjá besta mansliðnum í ár. Eisini gevst hjálparvenjarin Nenad Saric.

B68 tapti í gjár botndystin móti Skála 1-0 og liggur á aftasta plássið í meistaradeildini við 15 stigum. Fimm stig eru upp til niðurflytingarstrikuna, har Skála liggur á áttanda plássi við 20 stigum.