Barcelona hevur knívin á barkanum

Aftur í kvøld verða átta dystir spældir í Champions League. Talan er um fjórða umfar fyri liðini í bólkunum A-D.

Bólkur A
17.45: Napoli - Ajax 
20.00: Rangers - Liverpool 

Napoli skal royna at halda fast í sínari góðu gongd, meðan Liverpool við sigri í Glasgow kann taka eitt stórt fet móti víðari luttøku. Liðið hjá Klopp hevur vunnið tveir teir seinastu dystirnar í Champions League, men í Premier League hevur tað gingið illa í ár, og eitt ávíst trýst er á liðnum.

Napoli 9
Liverpool 6
Ajax 3
Rangers 0

Bólkur B: 
17.45: Atletico Madrid -  Club Brügge 
20.00: Bayer Leverkusen - FC Porto

Tað er hørð kapping um 2. plássið í bólkinum, og tað kann gerast heilt opið í bólkinum, um Atletico í kvøld vinnur á oddaliðnum Club Brügge, ið hevur loypt hvøkk á so at siga øll higartil.

Club Brügge 9
FC Porto 3 stig
Bayer Leverkusen 3
Atletico Madrid 3

Bólkur C: 
FC Viktoria Plzen - Bayern München 
FC Barcelona - Inter Milan

Báðir dystirnir byrja klokkan 20

Bayern München er nær við at spæla seg í áttandapartsfinalurnar - í Barcelona er eitt slag av lagnudysti fyri heimaliðið, ið so at siga skal vinna, um tað ikki skal verða stórur vandi fyri, at stórfelagið ikki kemur víðari í Champions League annað árið á rað.

Bayern München 9
Inter 6
Barcelona 3
Plzen 0

Bólkur D:
Sporting Clube de Portugal - Olympique de Marseille
Tottenham Hotspur - Eintracht Frankfurt 

Báðir dystirnir byrja klokkan 20

Talan er um ein opnan bólk, og man kann gerast nakað klókari uppá støðuna eftir dystirnar í kvøld. Tottenham skal helst vinna sín dyst - Antonie Conte hevur ikki tey bestu hagtølini í Champions League, og tað hevði verið eitt stórt vónbrot, um liðið ikki spældi seg víðari úr hesum bólkinum.

Sporting 6
Tottenham 4
Frankfurt 4
Marseille 3