2018-07-10 11:41
Ari av Rana
Ari av Rana
Barcelona hava funnið avloysaran hjá Paulinho, sum sunnudagin skifti aftur til kinesiskan fótbólt. Talan er um 21 ára gamla miðvallaran Arthur, sum skiftir frá Gremio í Brasilia til Barcelona.
Arthur, sum á passinum eitur Arthur Henrique Ramos de Oliviera Melo, hevur skrivað undir 6 ára sáttmála, og kostar Barcelona 231 milliónir krónur. Stendur Arthur seg væl í Barcelona, kann hann kosta felagnum 67 milliónir afturat.
Avtala við Gremio var gjørd í mars, men tað er ikki fyrrenn nú, at leikarin og Barcelona eru samd um sáttmálan.
Arthur hevur spælt við besta liðinum hjá Gremio síðani 2015. Hann hevur eisini spælt landsdystir fyri U-17 og U-20 landsliðið hjá Brasilia.
Vinarliga broyt tínar kennifíla - og privatlívsstillingar fyri at síggja hetta innihald