Fótbóltur

Barcelona og Dortmund fult stigatal eftir tryggar sigrar

Barca-sigur uttan Messi, Dortmund í hopla og í bólki C er sera spennandi.

Mynd: EPA

Mynd: EPA

2018-10-24 22:05 Author image
Agnar Prestá
placeholder

Átta dystir í triðja umfarið í Champions League vórðu leiktir í kvøld. Tveir dystir byrjaðu klokkan 17.55, har Tottenham misti stig í Hollandi, og Thierry Henry fekk sína Champions League-debut sum venjari.

Les meira: Tottenham í trupulleikum

Dortmund er í frálíkum formi, og í kvøld varð Atletico Madrid sett uppá pláss á larmandi Signal Iduna Park. Við ágangandi álopsspælið og skjótum revsingum, tá Atletico gav pláss ella gjørdi feilir, vann Dortmund heili 4-0 í oddadystinum í bólki A og hevur framvegis fult stigatal. Tað sær tó framvegis fínt út hjá Atletico, ið hevur seks stig.

Við úrslitinum í Hollandi er nú minni trýst á Barcelona og Inter, ið bæði høvdu seks stig undan brakinum á Camp Nou í kvøld. Barca var uttan Messi, men við málum frá Rafinha og Jordi Alba, eitt í hvørjum hálvleiki, vann Barcelona 2-0. Heimaliðið hevði allatíðina gott tamarhald á dystinum.

Liverpool var sannførandi á Anfield í kvøld. Firmino, Salah(2) og Mané slóu til, og syrgdu fyri at liðið hjá Jurgen Klopp er oddalið í bólkinum. Í París kom Napoli frammum tvær ferðir í einum undirhaldandi dysti, men PSG svaraði báðu ferðir aftur; 2-2 málið setti Angel Di Maria inn í 93.minutti. Hetta var eitt sera umráðandi stig fyri PSG í tætta bólkinum.

Í bólki D er Porto einsamalt oddalið eftir 3-1 sigurin í Moskva.

Úrslitini í kvøld: 

Bólkur A:

Club Brugge – Monaco 1-1 (1-1)

Borussia Dortmund – Atletico Madrid 4-0 (1-0)

Dortmund 9
Atletico Madrid 6
Monaco 1
Club Brugge 1

 

Bólkur B: 

PSV Eindhoven – Tottenham 2-2 (1-1)

Barcelona – Inter 2-0 (1-0)

Barcelona 9
Inter 6

Tottenham 1
PSV 1


Bólkur C: 

Liverpool – Reyða Stjørna 4-0 (2-0)

Paris Saint-Germain – Napoli 2-2 (0-1)


Liverpool 6
Napoli 5
PSG 4
Reyða Stjørna 1

Bólkur D: 

Galatasaray – Schalke 04 0-0 

Lokomotiv Moskva – FC Porto 1-3 (1-2) 

Porto 7
Schalke 5
Galatasaray 4
Lokmotiv Moskva 0

placeholder
placeholder