Fótbóltur

Bert fýra lið eftir í AFCON

Í gjár vann Tunesia trygt á Madagaskar, og Algeria koppaði Fílabeinsstrondini.

Sofiane Feghouli hevur her lagt Algeria á odda í sigrinum á Fílabeinsstrondini - Mynd: EPA

Sofiane Feghouli hevur her lagt Algeria á odda í sigrinum á Fílabeinsstrondini - Mynd: EPA

2019-07-12 14:26 Author image
Agnar Prestá
placeholder

Nú er greitt, hvørji fýra lið skulu spæla í hálvfinalunum í Africa Cup of Nations. Favorittarnar Senegal og Nigeria vunnu mikudagin sínar fjórðingsfinalur, og í gjárkvøldið spældu tvey norðurafrikansk lið seg víðari.

Sum væntað varð dysturin millum Algeria og Fílabeinsstrondina spennandi. Tað endaði 1-1 í vanligari leiktíð, og tað skuldi at enda avgerast við brotssparkskapping, har Algeria var omaná. 

[object Object]
(Liðið hjá Madagaskar hevði eitt frálíkt endaspæl - Mynd: EPA)

Madagaskar hevur loypt hvøkk á øll seinastu tíðina. Oyggjalandið hevur ongantíð verið í endaspælinum fyrr, men náddi fram til fjórðingsfinaluna. Í gjárkvøldið var Tunesia tó ein ov stórur biti og avgjørdi dystin í 2. hálvleiki við trimum málum.

Harvið verða tað favorittarnir úr Vesturafrika ímóti teimum norðurafrikansku liðunum í hálvfinalunum sunnudagin.

Fjórðingsfinalur í AFCON: 

10.07:

Senegal-Benin 1-0

Nigeria-Suðurafrika 2-1

11.07:

Fílabeinsstrondin-Algeria 1-1 (3-4 í brotssparkskappingini)

Madagaskar-Tunesia 0-3


Hálvfinalur: 

Sunnudagin 14.07

(17.00): Senegal - Tunesia

(20.00): Algeria - Nigeria  

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder