Fótbóltur

Bjarni og Ísak á A-landsliðnum á fyrsta sinni

Tjúgu spælarar eru tiknir út til venjingardystirnar í Íslandi um ein mánaða. Talan er um spælarar, ið vóru við at fáa Føroyar til EM, umframt tveir heilt nýggjar ungar mans.

Ísak Vedelsbøl sum liðformaður hjá U19-liðnum til HM-endaspælið í august. Strikuspælarin var eisini við til HM fyri U21-landslið í summar (Mynd: Egin Tollaksson Kass)

2023-10-04 15:37

Agnar Prestá

Ein umráðandi liður í fyrireikingunum til EM-endaspælið í januar eru venjingardystirnir í Reykjavík fyrst í næsta mánaða.

Hóast tað er ein góð løta til dystirnar, so hava landsliðsvenjararnir, Peter Bredsdorff-Larsen og Julian Johansen, nú úttikið liðið. Tað hevur Hondbóltssambandið kunngjørt seinnapartin.

Talan er um 20 spælarar, ið eisini skulu venja saman í vikuni upp til dystirnar móti Íslandi, sum eru á skránni 3. og 4. november.

Hópurin:

Málverjar:

Nicholas Satchwell, TIF Viking Bergen (NOR)

Pauli Jacobsen, HØJ (DEN)

Útileikarar:

Ísak Vedelsbøl, H71

Teis Horn Rasmussen, Århus HC (DEN)

Helgi Hildarson Hoydal, Kristiansand (NOR)

Pætur Mikkjalsson, Hallby (SWE)

Leivur Mortensen, Frederiksberg IF (DEN)

Rói Berg Hansen, HØJ (DEN)

Hákun West av Teigum, Füchse Berlin (GER)

Allan Norðberg, Valur (ISL)

Peter Krogh, Århus HC (DEN)

Kjartan Johansen, Bækkelaget (NOR)

Vilhelm Poulsen, Lemvig-Thyborøn (DEN)

Elias Ellefsen á Skipagøtu, THW Kiel (GER)

Óli Mittún, IK Sävehof (SWE)

Rói Ellefsen á Skipagøtu, Hallby (SWE)

Jónas Gunnarson Djurhuus, Frederiksberg IF (DEN)

Pauli Mittún, Team Sydhavsøerne (DEN)

Bjarni í Selvindi, Kristiansand (NOR)

Tróndur Mikkelsen, Kristiansand (NOR)

Bakspælarin Bjarni í Selvindi spælir nú í bestu norsku deildini og skal vísa seg á A-landsliðnum (Mynd: Sverri Egholm)

Talan er um spælarar, sum spældu størri og smærri leiklutir í farnu undankapping, umframt Ísak Vedelsbøl og Bjarna í Selvindi. Stóri og sterki strikuspælarin og skálamaðurin við dundurskotinum vóru til U21 HM í summar, men hava ikki verið úttiknir til A-landsliðið áður.

Hetta er seinasta samlingin, áðrenn liðið hittist aftur í januar, skrivar hsf.fo. 5. og 6. januar eru venjingardystir á skránni móti Belgia í Høllini á Hálsi. Føroyska liðið ferðast til Berlin 9. januar.

Slovenia, Noreg og Pólland eru hini liðini í EM-bólkinum.

Vinarliga broyt tínar kennifíla - og privatlívsstillingar fyri at síggja hetta innihald