Fótbóltur

Brandur skal spæla avgerandi dystin um eina løtu

Helsingborg skal vinna í Halmstad í kvøld, um liðið skal spæla í Allsvenskan í 2022. Fyrri dysturin endaði 0-1.

Brandur Hendriksson skal stríðast fyri at spæla í bestu svensku deildini aftur (Mynd: Jens Kr. Vang)

Brandur Hendriksson skal stríðast fyri at spæla í bestu svensku deildini aftur (Mynd: Jens Kr. Vang)

2021-12-14 17:34 Author image
Agnar Prestá
placeholder

Talan verður um eina ógvuliga torføra uppgávu hjá skálvíkinginum og liðfeløgunum. Halmstad vann fyrra upp- og niðurflytingardystin, sum var í Helsingborg leygardagin. Brandur Hendriksson fekk gult kort í fyrra hálvleiki - stutt eftir Sadat Karim hevði lagt Halmstad á odda. 

Talan gjørdist um einsamalla málið í dystinum, og harvið skal Helsingborgs vinna í kvøld. Halmstad endaði triðaftast í Allsvenskan í ár men lat fá mál inn á heimavølli - ongantíð meira enn eitt í einstøkum dysti.

Harvið skulu teir reyðkløddu gera nógv rætt í kvøld, um Allsvenskan fótbóltur aftur skal vera veruleiki hjá felagnum úr Helsingborg.

Fyrsta bríksl í Halmstad verður klokkan 18. Føroyski miðvallarin byrjar, sum vanligt, inni á sentrala miðvøllinum.

[object Object]
Mynd: Helsingborgs IF

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder