Bronsu og føroykst met í longdarlopi

Fríggjadagin leyp Tórur Mortensen longdarlop á DM-ugen á torginum í Herning.

DM-ugen er tiltak, sum Dansk Idrætsforbund (DIF) skipar fyri hvørt summar, har nógvar ítróttagreinar halda teirra meistaraheiti – í ár heili 40 ítróttagreinar.

Longsta lopið hjá Tóri var 7,45 m, og hetta er persónligt met, bronsa í kappingini um danmarksmeistaraheitið og føroyskt met, skrivar Frælsur Ítróttur Føroya.

Í Føroyum hevur Tórur vant í Hvirluni, men í dag býr hann í Aarhus, og venur við Aarhus 1900.

Úrslitini frá kappingini síggjast her.