Byrja við trimum útidystum síðst í mars - heimadystirnir verða um heystið

Í gjár var lutakast í Sveis um bólkabýtið til komandi HM-undankapping fyri A-landslið við monnum. Føroyar komu í bólk F, saman við Danmark, Eysturríki, Skottlandi, Ísrael og Moldova.

Les eisini: 
Føroyar og Danmark í bólki saman
- Skulu sjálvandi trúgva uppá at vit hava ein møguleika í øllum dystunum
Her er bólkabýti í HM-undankappingini

Nú er leikskráin gjørd fyri bólkarnar. Tað boðar Fótbóltssambandi frá. Av tí at Føroyar eru eitt “vetrarland” í UEFA høpi, verða allir heimadystirnir hjá liðnum hjá Håkani Ericson spældir í september og oktober. Tríggir dystir verða í Føroyum í september, og tveir í oktober. Útidystirnir verða tískil spældir í mars og í november. 

Byrjað verður við trimum útidystum. Hetta er seinastu vikuna í mars. Føroyska liðið byrjar í Moldova. Endað verður í Danmark og Ísrael í november.

Skráin sær soleiðis út:

25. mars
Moldova – Føroyar

28. mars
Eysturríki – Føroyar

31. mars
Skottland – Føroyar

Juni
Tveir venjingardystir

1. september
Føroyar – Ísrael

4. september
Føroyar – Danmark

7. september
Føroyar – Moldova

9. oktober
Føroyar – Eysturríki

12. oktober
Føroyar – Skottland

12. november
Danmark – Føroyar

15. november
Ísrael – Føroyar

Væntandi verða tveir venjingardystir á skránni í juni mánað, men hvørji mótstøðulondini verða, er ikki endaliga greitt enn.