Agnar Prestá
Í kvøld brustu Mjølnir og Sliedrecht Sport saman í Klaksvíkar Badmintonhøll.
Eins og í síðstu viku endaði tað 3-0 til niðurlendsku favorittarnir, men eins og í undafarnu evropeisku heimadystum, gav Mjølnir útlendsku mótsstøðuni skarpan gang.
Serliga var tað í 2. setti, sum var ógvuliga spennandi. Mjølnir var bæði á odda 19-16 og 23-21, men tá komið var til avgerandi bóltarnar, var Sliedrecht stinnari.
Mjølnir legði út sum eitt óløgi við góðum spæli í 3. setti, og tað var bæði 9-3 og 12-7. Tað eydnaðist tó ikki at "halda dampin uppi", og gestirnir vunnu 25-21. Tað endaði fyrsta sett eisini.
Harvið eru norðyingar úti av Challenge Cup, sum er triðsterkasta evropeiska kappingin. Eins og Fleyr-kvinnurnar, er tað við tveimum 3-0 tapum í 1. umfari.
Men teir hjá Mjølni kunnu heilt víst nýta hetta avrikið til nakað. Leingi spældu teir væl upp við sterku mótsstøðuna.
Challenge Cup 1. umfar - seinni dysturin
Klaksvíkar Badmintonhøll, 19. november
Mjølnir - Sliedrecht Sport (Niðurlond) 3-0
21-25, 23-25, 21-25
Vinarliga broyt tínar kennifíla - og privatlívsstillingar fyri at síggja hetta innihald