2019-01-02 10:54
Ari av Rana
Ari av Rana
Enska stórfelagið Chelsea hevur keypt Christian Pulisic hjá Dortmund. Amerikanska stórtalentið skiftir til Chelsea í summar, áðrenn komandi kappingarár byrjar, skrivar Dortmund á síni heimasíðu.
Chelsea rindar 478 milliónir krónur fyri 20 ára gamla leikaran, sum seinastu árini hevur verið settur í samband við nøkur av teimum størstu feløgunum í heiminum.
Tekniskt sæð skiftir leikarin felag nú og verður læntur aftur til Dortmund fyri restina av kappingarárinum.
Christian Pulisic spældi 115 dystir fyri Dortmund, harav 81 ferðir í Bundesliguni og 20 ferðir í Champions League. Hann hevur eisini spælt 23 landsdystir fyri USA.
Vinarliga broyt tínar kennifíla - og privatlívsstillingar fyri at síggja hetta innihald