Chelsea hongur enn í

Chelsea hongur enn við í toppinum í Premier League, eftir at felagið vann á Crystal Palace.

Bæði liðini úr London stríðast hvør sítt stríð. Eftir dystin í dag er Chelsea er fýra stig frá øðrum plássi, meðan Crystal Palace er fýra stig yvir niðurflytingarstrikuni.

Nógv stóð tí uppá spæl undan dystinum, sum Chelsea vann 1-0. Einsamalla málið kom eftir 51 minuttir, tá verjukendi miðvallarin hjá Chelsea, N’Golo Kante, hegnisliga tók bóltin niður við bringuni eftir eina langa sending, og sendi bóltin í málið.

Chelsea er nú á fjórða plássi, tvey stig aftanfyri Tottenham á triðja, og fimm stig frammanfyri Arsenal á fimta.