City gjørdist enskur meistari uttan at spæla

Arsenal hevur sitið á fyrsta plássinum so at siga alt kappingarárið, men í endaspurtinum fór sterka Manchester City-liðið frá London-felagnum, sum jagstraði sítt fyrsta meistaraheitið síðani 2024. 

Mikel Arteta og hansara menn taptu í gjár 1-0 á útivølli fyri Nottingham Forest, og hetta var staðfestingin. Arsenal hevur ein dyst eftir og fýra stig upp til City. Liðið hjá Pep Guardiola hevði annars helst avgjørt tað í dag móti Chelsea ella í næstu viku. Teir í ljósabláum hava tríggir dystir eftir at spæla og hava verið í stórformi í seinastuni (ikki tapt síðani fyrst í februar - í 21 dystum samanlagt)

Í fjør var talan um dramatiskan enda, har City koppaði Liverpool á mállinjuni í meistaraheitsstríðnum við dramatiskum seinast umfarið. Manchester City er við at gerast eitt einveldi í enskum fótbólti. Liverpool vann meistaraheitið sannførandi í 2020, men annars er tað bert City, ið hevur vunnið seinastu seks árini. Nú venda Guardiola og hansara menn eyguni móti The Treble: Grannarnir United skulu koppast í FA Cup-finaluni og Inter Milan í Champions League-finaluni í mai. 

Pep Guardiola hevur nú vunnið Premier League fimm ferðir út av teimum seinastu seks árunum (Mynd: EPA)

Tað hevur verið eitt flott kappingarár hjá Arsenal, men í síðstu átta dystunum hevur liðið bert vunnið tveir dystir. Venjarin Mikel Arteta staðfesti í gjárkvøldið vónbrotið men ynskti samstundis sínum gamla felagi tillukku. Troystin hjá honum og spælarunum er, at tað verður Champions League-fótbóltur í 2023/2024.

Tað verður tað helst eisini fyri Newcastle og Manchester United. United vann 1-0 á Bournemouth í gjár, samstundis sum Liverpool bert fekk javnleik á heimavølli móti Aston Villa. Málið hjá Roberto Firmino í yvirtíðini í sínum seinasta heimadysti á Anfield gjørdi, at Liverpool framvegis hevur ein møguleika, men arvafíggindarnir skulu bert hava eitt stig í tveimum teimum seinastu dystunum hjá sær fyri at tryggja plássið. Somu treytir eru fyri Eddie Howe og hansara menn, sum kunnu avgerða tað í annaðkvøld.

Mótstøðuliðið er Leicester, sum eins og Leeds stríðist fyri at fanga Everton í niðurflytingarstríðnum. Tey hava ein dyst fleiri eftir at spæla enn Everton (bæði hava tveir eftir) og skulu vinna minst ein. Við sigrinum á Arsenal í gjár hevur Nottingham Forest bjargað sær lívinum. 

Øll liðini hava ikki spælt eins nógvar dystir - Sí alla stigatalvuna her