Donsku heimsmeistararnir hugdu á telefonini hjá Mikkel Hansen

Berlin, Týskland (Portalurin): - Føroyar eru stóra søgan higartil í EM-endaspælinum í manshondbólti. Hetta kann tykjast lætt at siga, tá man er føroyingur og stendur mitt í søguni. Men um hugt verður eftir, hvat altjóða miðlar, hvat fólk á sosialu miðlunum koma inn á, og hvussu nógvir miðlar standa og vilja hava fatur á føroysku spælarunum, so er helst eingin ivi um, at hetta er próvført.

Føroyska liðið, frálíku avrikini og heilt fantastisku áskoðararnir hava skapt eina ótrúliga søgu, og 26-26 úrslitið móti Noreg í gjár hevur millum annað skapt røring í donsku leguni.

- Tað er eitt ørt úrslit. Hetta hevði eg ikki roknað við, men tað eru slík óvæntað úrslit, sum gera hendan ítróttin so feitan. Eg veit, hvussu nógv Bredsdorff gongur upp í tað. Man sær tað eisini í eygunum á føroysku spælarunum, at tað er risastórt fyri teir.

Hetta sigur Niklas Landin, málverji og liðformaður hjá Danmark, sum áður hevur havt føroyska landsliðsvenjaran sum hjálparvenjara á danska landsliðnum.

Sí eisini: 
Norsku fjølmiðlarnir hegla sítt lið niður
Video: - Hæeddarpunktini frá søguliga EM-janvleikinum

Ein á danska landsliðnum hevur sjálvandi ein heilt serligan áhuga fyri føroysku avrikunum. 29-ára gamli havnarmaðurin Jóhan á Plógv Hansen valdi at spæla fyri Danmark, tí tað ikki var skipaður A-landsliðshondbóltur hjá Føroyum tá - stór tíggju ár seinni eru Føroyar í einum endaspæli og hava nú fingið stig móti mætari hondbóltstjóð

- Eg eri í roynd og veru ikki so bilsin. Teir gera tað ógvuliga væl, og Føroyar hava nógvar spennandi spælarar, sum hava nógva ferð og spæla heldur øðrvísi hondbólt, sigur Jóhan á Plógv á Hansen við Ritzau.

Jóhan á Plógv Hansen í EM-undankappingardysti móti Føroyum í 2019. Flensburg-Handewitt-spælarin fylgdi spentur við endanum í gjárkvøldið (Mynd: Sverri Egholm)


Mikkel Hansen spældi ikki í gjárkvøldið, tí at fingur hansara er farin úr lið. Hann fekk tó víst hinum á liðnum svakligu seinastu sekundi í Berlin - í spælskili og við alveringsgóðsku og variantum verður Elias á Skipagøtu samanborin við donsku heimsstjørnuna (Mynd: EPA) 

Jóhan og hinir á danska liðnum, sum vunnu trygt á EM-debutantinum Grikkalandi, fingu seinastu løtuna í ótrúliga dystinum millum Føroyar og Noreg við. Tað var á telefonini hjá heimsstjørnuni Mikkel Hansen, ið norskur viðmerkjari samanbar Elias Ellefsen á Skipagøtu við eftir dystin, at heimsmeistararnir sóu Elias stjala bóltin frá Kiel-liðfelaganum Harald Reinkind, fáa brotskast og skora kaldliga uppá ta.

-  Mikkel hevði telefonina frammi, eftir at vit róptu sigurssróp, og so sóu vit líka tey seinastu ellivu sekundini. Har Noreg tveitir tað burtur, og Føroyar skora. So tað var stuttligt, staðfestir høgri vongurin við TV 2 Sport. Lagt verður afturat, at føroyingar veruliga hava víst, at teir duga at stuðla sínum liði.

Løtan....(Myndir: Sverri Egholm)

Føroya kunnu koma í meginumfarið saman við Danmark. Tað krevst tó, at tað eydnast at vinna á Póllandi í morgin, at Slovenia vinnur á Noreg aftaná, og at samanlagdi málmunurin millum Føroyar og Noreg broytust við 14 málum.

Tað er ósannlíkt, men Nikolaj Jakobsen sigur, at tað hevið verið heilt stuttligt at møtt Føroyum til eitt endaspælið. Úrslitið móti Noreg var "sjúkliga flott", staðfestir trýfaldi HM-gull venjarin, sum fekk boðini um úrslitið í Berlin mitt í einari samrøðu við BT.